كل واحد يقول لنا تجربته في تعلم اللغه الاسبانيه

[همس جده]

أهليين زيوفونه
الفكره هذي حلوه عشان كل واحد يستفيد من تجارب الأعضاء

بالنسبه لي بدايتي كانت اني تعرفت على بنات من المكسيك وكولومبيا عن طريق الماسنجر
وكانوا يتكلموا إسباني وقليييل الي يتكلموا إنجليزي
فعجبتني اللغه وأذكر أول كلمه تعلمتها كانت (Gracias) علمتني هذي الكلمه وحده منهم بعد ماعلمتها كلمة (شكراً)بالعربي
وتعليمي كله كان من الإنترنت لأن المشكله زي ماقلتي محد يتكلم إسباني هنا ولا في معاهد أو مدراس
وأنا مشكلتي كمان ان الي حوليني مو مقتنعين لسى ان الإسباني لغه مهمه أو عالميه يقولوا تعلمي فرنسي عالأقل بس أنا ارتحت للإسباني أكثر

فبديت من الـYouTube لقيت فيه كثييير دروس استفدت منها
وكمان مواقع لتعليم الإسبانيه أخذت منها كلمات
وتركيزي كله كان على المفردات والجمل ومامسكت القواعد إلا تصريف المضارع والماضي للأفعال
وصرت شوي شوي أتكلم مع البنات الي تعرفت عليهم ولازم أستخدم المترجم طبعاً وأشوف كلامهم إذا لقيت كلمات مهمه ترجمتها وحفظتها

وفي طريقه أستخدمها عشان ماأنسى الكلمات الي حفظتها كنت أيام الإمتحانات لمن أخلص بدري أمسك ورقة الإمتحان وأشوف الكلمات المكتوبه وأحاول أجيب مرادفها الإسباني
أو أجيب معاني الأشياء الي حولي زي كرسي,طاوله.طالبه......

بس أهم شي الممارسه والمحادثه عشان ماننسى الي تعلمناه

أدري اني ثرثاره وكلامي كثير معليييييش *_^

بس أتمنى تستفيدوا