Untitled Document
 
العودة   منتديات لغاتى التعليمية > ~¤¦¦§¦¦¤~منتديات السياحة والسفر~¤¦¦§¦¦¤~ > منتدى السياحة والسفر > قسم السياحة العالمية

 
 
أدوات الموضوع انواع عرض الموضوع
قديم 01-13-2009, 02:57 PM   #1
loooollooooll
مشرف سابق
 
تاريخ التسجيل: Jul 2008
العمر: 39
المشاركات: 1,426
معدل تقييم المستوى: 18
loooollooooll will become famous soon enoughloooollooooll will become famous soon enough
افتراضي رومانيا




[IMG][/IMG]

رومانيا دولة من دول أوروبا الشرقية و تحديدا في جنوب شرق أوروبا الوسطى و بتيجي للشمال من شبه جزيرة البالكان و بتطل على البحر الأسود و بيحدها من ناحية الجنوب نهر الدانوب. رومانيا ليها حدود مشتركة مع الدول الاوربية دي: صربيا،المجر،اوكرانيا،مولدوفيا و بلغاريا.أول ما اتكونت الدولة كانت عبارة عن اتحاد بين مولدوفيا و ولاهيا ودا كان سنة 1859 و بعديها انضمت بقية المناطق اللي بتتكلم روماني سنة 1918 و كونوا الدولة زي ما هي معروفة دلوقتي تقريبا ما عدا ان جزء منها ضمه الاتحاد السوفييتي بالقوه في نهاية الحرب العالمية التانية و الجزء دا معروف دلوئتي باسم جمهورية مولدوفيا. عدد سكان رومانيا حوالي 22 مليون انسان و مساحتها 238392 كيلومتر مربع و عاصمتها بوخارست اللي هي كمان تعتبر اكبر مدينة فيها. رومانيا دولة عضوة في الاتحاد الاوروبي من اول يناير 2007 و كمان عضوة في الناتو و منظمة الدول الفرانكفونية.



أصل الاسم[/
COLOR]

اسم رومانيا منسوب للرومان و ليه علاقة بالامبراطورية الرومانية اللي بدورها منسوبة لعاصمتها روما ( و في اصل اسطوري لتسمية مدينةروماالايطالية بينسبها للتوامين رومولوس و ريموس)

السكان


حسب تعداد سنة 2002 ، رومانيا عايش فيها حوالي 21700000 انسان زي بيقية دول شرق أوروبا العدد دا مرشح للنقصان بسبب انخفاض نسبة المواليد. حوالي 89.5 % من السكان رومانيين اصليين و الباقي اقليات زي المجريين و الغجر و كمان في اقليات تانية بس نسبتهم قليلة ما تعديش 1.4%. اللغة الرسمية لرومانيا هي الروماني و هي واحدة من اللغات الرومانسية زيها زي الاسباني و الطلياني و الفرنساوي.و كمان في لغات اقليات معترف بيها رسميا زي المجري و الغجري. اللغات الانجليزي و الفرنساوي معروفة على مستوي واسع و خصوصا الانجليزي بين الشباب .

الدين

رومانيا دولة علمانية حسب الدستور يعني مافيش حاجة اسمها دين رسمي للدولة بس اغلب السكان بينتموا للكنيسة الاورتودوكسية الرومانية(حوالي 86 % من السكان) و جنبهم في اقليات دينية كتيرة زي الروم الكاثوليك و البروتستانت وبعض المسلمين و اليهود.


[COLOR="Magenta
"]التاريخ


اقدم بقايا للانسان في اوروبا اتلقت في رومانيا و كان عمرها حوال 42.000 سنة ومن المحتمل ان الرومانيين هما اول البشر اللي قدرو يوصلو لقارة اوروبا. اول واحد يكتب عن الناس اللي كانو عايشين في رومانيا هو هيرودوت في كتابه الرابع سنة 440(ق ع ح)و اللي حكى فيه عن هزيمة الامبراطور الفارسي داريوس الاعظم على ايد الداشيين اللي كانو عايشين في منطقة اسمها داشيا ( في الوقت الحالي بتضم رومانيا و مولدافيا و حتت من شمال بولجاريا).الامبراطور الروماني تراجان غزا بلاد داشيا و هزم شعبها والملك بتاعها ديتشتبال في حروب استمرت من سنة 101 لحد 106 (ع ح )و بعديها بقت داشيا حتة (مقاطعة ) رومانية. الامبراطور الروماني تراجان وهو راجع لروما بعد الانتصار جاب معاه 165 طن من الدهب و 330 طن من الفضة استولى عليهم من داشيا.

في العصور الوسطى الرومانيين عاشو في تلات مناطق: والاهيا،مولدافيا و ترانسيلفانيا..
ترايان باسيكو ريس رومانيا

والاهيا و مولدافيا وقعو تحت الاحتلال العثماني و ترانسيلفانيا اتضمت بالقوة للامبراطورية النمساوية-المجرية.و بكدا اتقسمت رومانيا بين القوى العظمى في الوقت دا وبقى الرومانيين مواطنين من الدرجة التانية في بلادهم.في 1914 لما قامت الحرب العالمية الاولانية، رومانيا اعلنت الحياد بس تحت ضغط الحلفا اعلنت رومانيا الحرب على المحور سنة 1916 ووعدتها القوى الكبير بجعمهم في انهم يعملو دولة موحدة و مستقلة.و فعلا في نهاية الحرب و في سنة 1918 اتحدت ترانسيلفانيا مع والاهيا و مولدوفا و عملو رومانيا الكبرى.في الحرب العالمية التانية حاولت رومانيا لتاني مرة تتنيها على الحياد بس اضطرت اخيرا انها تدخل الحرب جنب المحور ضد الحلفا وبسبب هزيمة المحور فقدت رومانيا حتت كبيرة من اراضيها للاتحاد السوفيتي واحتلها الجيش الاحمر و بعديها دخلت في حلف وارسو وانضمت للستار الحديدي و الكتلة الشيوعية في زمن الحرب الباردة.في سنة 1989 حصلت ثورة في رومانيا انتهت فيها الشيوعية واتعدم نيكولاي شاوشيسكو اخر رئيس شيوعي لرومانيا بالرصاص هو و مراته قدام التليفزيون و اعلن الثوار الديمقراطية و الانتخابات الحرة و حريات تانية كتيرة.الريس الحالي لرومانيا هو ترايان باسيسكو و ريس الوزرا هو ايميل بوك


مناطق رومانيا

مناطق رومانيا الخمسة

رومانيا فيها خمس مناطق اساسية مشهورين بتنوعهم الجغرافي ودا بيخليها من احسن الوجهات السياحية في اوروبا.

* ترانسيلفانيااكبر مناطق رومانيا و بيحدها من الشرق و الجنوب جبال الكاربات و اللي كانت زمان بتعملها حماية ضد الغزوات الخارجية اللي جاية من ناحية الشرق.سكانها الاصليين هما الرومانيين بس جه مجريين في القرن العاشر و جه كمان المان في القرن الاتناشر و استوطنو فيها جنب السكان الاصليين.
* مولدوفا(مولدافيا) وهي موجودة في شمال شرق رومانيا و بتمتد من جبال الكاربات لحد نهر الدنيستر.في سنة 1940استولى الاتحاد السوفيتي على المنطقة اللي بين نهر البروت و نهر الدنيستر و ضمها ليه بالقوة على الرغم من 60% من السكان كانو رومانيين. في سنة 1990 استقلت مولدوفا عن الاتحاد السوفيتي بمساعدة رومانيا بس المولدوفيين فضلو انهم ما ينضموش للوطن الام رومانيا و اعلنو نفسيهم دولة مستقلة باسم جمهورية مولدوفا.( ماتتلخبطش بين جمهورية مولدوفا المستقلة وبقية منطقة مولدوفا اللي تنتها حتة رومانيا).
* والاهيا اللي في جنوب رومانيا و اللي في وسطها العاصمة بوخارست. المنطقة دي عبارة عن اراضي سهلة و خصبة
* دوبوروجا واللي بتطل على ساحل البحر الاسود و وقعت تحت الاحتلال العثماني فترة طويلة و عشان كدا فيها جوامع و مسلين اكتر من اي منطقة تانية في رومانيا.اكبر مدينة في دوبوروجا هي كونستانتسا و اللي كمان بتعبر اهم مينا في رومانيا.
* بانات في المنطقة الغربية من رومانيا و بتحدها صربيا و اكبر مدينة فيها هي تيميشوارا.الثورة اللي حصلت في 1989 و قضت على الحكم الشيوعي بدات اول ما بدات من تيميشوارا و بعدين انتشرت لكل مدن رومانيا.


[COLOR="DarkOrchi
d"]ملخص عن دوله رومانيا


اللغه رسميه الروماني
العاصمه بوخارست
اكبر المدن بوخارست
المجموعات العرقية 89.5% رومانيين, 6.6% مجريين, 2.5% روما , 1.4% اقليات تانيه
الرئيس تريان باسيسكو
رئيس الوزرا ايميل بوك
المساحه

- المجموع
- المايه متصنفه الـ82 عالميا

238,391 كلم²
3%
السكان

- المجموع
- الكثافه متصنفه الـ50 عالميا

22,246,862
93/كلم²
الناتج المحلي الإجمالي

- المجموع بالقيمة الإسمية
- ن.م.إ/فرد متصنفه الـ 38 عالميا

213.891 بيليون دولار
متصنفه الـ 58 عالميا
9,953.33 دولار
التوحيد 1 ديسمبر 1918 م
الاعتراف بالاستقلال 13 يوليو 1878 م
العمله
رمز العمله (ISO 4217) ليو روماني
RON
فرق التوقيت UTC +2
النشيد الوطنى

Deşteaptă-te, române! (اصحوا يا رومانيين)
نطاق الانترنيت الاولي (TLD) ro.
كود التليفون الدولي ++[
/COLOR]
تحياااااااتي
__________________

loooollooooll غير متواجد حالياً   رد مع اقتباس
 

مواقع النشر (المفضلة)

الكلمات الدلالية (Tags)
رومانيا


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
نداء الى الجالية العربية في رومانيا ssssalhafez منتدى اللغة الرومانية 25 02-09-2014 03:19 PM


الساعة الآن 02:12 AM بتوقيت مسقط


Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
:: جميع الحقوق محفوظة لمنتديات لغاتى التعليمية ::