Untitled Document
 
العودة   منتديات لغاتى التعليمية > ~¤¦¦§¦¦¤~منتديات اللغات~¤¦¦§¦¦¤~ > منتدى اللغة الأنجليزية > قسم النقاشات حول كورس الأنجليزية

 
 
أدوات الموضوع انواع عرض الموضوع
قديم 01-27-2012, 05:37 PM   #1
SuperMasrawy
لغاتى جديد
 
تاريخ التسجيل: Jan 2012
المشاركات: 1
معدل تقييم المستوى: 0
SuperMasrawy will become famous soon enough
Exclamation مميزات وعيوب أكاديمية مش كورسات Not Courses

في مركز جديد فتح في مدينة نصر والمعادي والدقي اسمه اكاديمية مش كورسات
NotCourses Academy
المهم هو جاي بفكرة جديدة ان اللغة بتكتسب ما بتتعلمهاش والمفروض بيقولك ايه العيوب الموجودة في كورسات المحادثة في الاماكن التانية وازاي هو بيعالجها .. انا عجبتني الفكرة بتاعتهم ورحت اخدت ليفل هناك .. قبل ما اخد الليفل قعدت ادور علي النت علي اي حد كاتب المميزات والعيوب المركز ده ملقيتش حاجة مفيدة . حتي علي الصفحة بتاعتهم علي الفيس بوك مفيش حاجة مفيدة الناس اللي بترد اللي شغالين في السنتر تقريبا واي بوست بيكون فيه نقد بيتمسح وقتي.. بعدت ما اخدت الكورس قلت افيد الناس علشان تعرف تجربتي معاهم فبعت بوست فيه بعض المميزات والعيوب علي الصفحة بتاعة المركز علي الفيس بوك .. لكن البوست اتمسح علي طول واتعملي بلوك اني اكتب في الصفحة .. كنت اتمني من الادارة بدل ما تمسح البوست ترد ازاي هتعالج العيوب ديه لان الفكر يواجه بالفكر .. المهم انا هاحاول اذكر هنا المميزات والعيوب اللي شفتها علشان اللي بيسأل


المميزات:
1- فكرة الكورس جديدة وجميلة ولو تم تلافي العيوب وتطبيق بعض التعديلات هتكون فعلا من انجح الكورسات
2- سعر الكورس مناسب جدا
3- المواعيد كتيرة وفي الغالب هتلاقي ميعاد يناسبك
4- في كذا مكان (الدقي المعادي مدينة نصر) ففي الغالب هتلاقي مكان قريب من بيتك
5- الانستراكتور اللي كان بيدينا كان شخصية جميلة ولذيذة وان كان فيه عيوب هاقولها مع ذكر العيوب تحت
العيوب:
1- مفيش منهج بتمشي عليه .. وبالتالي ما بقاش في فرق بين المستويات.. يعني ممكن موضوع تتكلم عليه في ليفل 4 وليفل 8 وما يكونش في فرق بينهم خالص .. دا غير ان الواحد مش عارف ايه الاساس العلمي اللي اتبني عليه موضوع ان يكون في 18 مستوي طالما ان مفيش منهج من الاساس
2- ونتيجة علي النقطة الاولانية بتغلب العشوائية علي المحاضرات .. وساعات كتير بتحس انك خارج من المحاضرة وما طلعتش بحاجة جديدة
3- بعد ما عملت امتحان تحديد المستوي .. الراجل قالي هنحطك في ليفل عالي انت بس عايز تحسن الاكسنت (نطق الكلمات ) بتاعتك وتتعلم فوكابلري او كلمات اكتر .. بعد كده لما سألت انا هادخل ليفل كام قالولي ليفل 8 !! استغربت هو ده الليفل العالي بتاعكم .. المهم ماكانش في الميعاد اللي انا عايزه من 8 الي 10 في المعادي لليفل 8 .. فلقيته بيقولي خلاص ممكن تدخل ليفل 7 في الميعاد اللي انت عايزه .. ساعتها حسيت ان الموضوع ماشي بالكوسة .. المهم رفضت ودخلت ليفل 8 وبعد ما خلصت الليفل ما حسيتش والحمد لله ان الاكسنت او ال فوكابلري اتحسنوا ولو حتي بنسبة قليلة
4- مش عارف باحس انهم بيحطوا الناس في ليفلات قليلة علشان تدفع كتير يعني بدل مثلا ما تروح الجامعة الامريكية وتاخد تلات ليفلات .. لا بتروح تمتحن عندهم ويقولك ناقصلك عشر ليفلات مثلا .. مش عارف هل ديه سياسة المركز مثلا علشان محدش يوصل للنهاية وياخد الليفل المجاني بتاع مدي الحياة ... محتاجين رد من المركز علي النقطة ديه
5- المفروض الفيديو اللي بيشرح النظام بتاع السنتر بيقول ان هيكون في اتنين انستراكتورز (مدرسين) واحد منهم طبيب نفسي علشان يخليك تتغلب علي الخجل .. انا عجبني الموضوع ده جدا .. لكن اقدر اقولكم بعد ما خلصت الليفل ان الطبيب النفسي ده ما دخلش ولا مرة .. هو الانستراكتور الاساسي اللي بيدخل بس .. طبعا ممكن يكون عندهم عجز او سوء تنظيم ... الخ ، بس ديه كلها اسباب متخصينيش انا ليا المميزات كلها اللي بتعرضها في الفيديو بتاعك .. لو مش هتقدر تحققها خلاص المفروض لو انا في مركز محترم يكون في تعويض مناسب للحاجة ديه لكن طبعا لا حياة لمن تنادي .. دا حتي اقل اقل حاجة وهي كلمة الاعتذار ما اتقالتش
6- انا اول مرة روحت فرع المعادي قعدت الف علي السنتر ومش لاقي اي يافطة او حاجة توضح ... انا شايف بس شقة مفتوحة في الدور الارضى وخلاص طبعا كنت محرج ادخل الشقة اقولهم هو انتم بتدوا كورسات هنا ففضلت واقف لحد ما لقيت واحد داخل فدخلت معاه .. كذلك الحال في الدقي ولا في يافطة ولا اي حاجة (انا مروحتش فرع مدينة نصر فمعرفش نظامه) .. الموضوع ده زائد ان مفيش شهادات بتاخدها معتمدة من جامعات بره او اي حاجة بتخليك تشك في السنتر اللي بتاخد فيه .. هل هو معترف بيه اصلا ولا شغال من تحت لتحت ؟؟ !!
7- وبالنسبة لموضوع الليفل اللي مدي الحياة عايزين نعرف ايه الضمانات اللي هتكون عليه .. اصل مثلا بعد سنتين مثلا لما يكون في عدد كبير خلص الكورس (دا لو استحملوا اساسا ) ممكن تيجي انت تحط يافطة مكتوب عليها اسم تاني او تفتح في مكان تاني وتقولي خلاص ما بقاش في حاجة اسمها نوت كورسس .. احنا فتحنا مركز تاني وسميناه اي حاجة تانية
8- عدد ساعات الليفل 12 ساعة انا شايفهم قليليين شوية
9- في شرط غريب في العقد اللي بتمضي عليه انك ما ينفعش تسحب فلوسك تاني (علي مبدأ هو دخول الحمام زي خروجه ) المفروض لو انا حصلي ظروف او ماعجبنيش النظام يبقي زي اي مركز محترم بتخصم مني مبلغ معين وتديني الباقي .. لكن مثلا في الكورس اللي اخدته تقريبا اكتر من التلت ماجاش الا مرة واحدة .. والباقي كتير منهم كان بيجي علشان الفلوس ما تروحش عليه او علي امل ان الكورس يتعدل
10- الانستراكتور اللي بيدينا مش متخصص شوية ودا كان بيبان مثلا لما يجي يكتب الكلمات اللي علي السبورة تقريبا معظم الكلمات اللي بيكتبها كانت بتبقي غلط واحنا بنصححهاله او هو بيعمل اتشيك بقاموس او ببرنامج علي الموبايل عنده ..انا شايف ان التخصص حاجة مهمة يعني مثلا لو واحد اجنبي عايز يتعلم لغة عربية اكيد مش علشان انا باتكلم عربي هاعرف اعلمه .. هو هيحتاج يتعلم من متخصص او من مدرس اللغة العربية علشان يتعلم صح .. والا لو الموضوع مش هيكون بالتخصص كنا بدل ما ناخد الكورس نقضيها شات علي النت وخلاص
طبعا العيوب ديه خلتني اخد قرار اني مش هاكمل في السنتر .. واتمني من الادارة انهم يعالجوا المشاكل ديه علشان الناس الجديدة وعلشان سمعتهم ما تقعش في السوق .. انا مش ضد نوت كورسس ولا اي مركز بيعلم لغات انا نفسي ان كل العيوب ديه تتعالج علشان الموضوع ما يبقاش خداع وخلاص .. ويارب يبقي نوت كورسس احسن مركز في مصر ويعلم المصريين كلهم صح
SuperMasrawy غير متواجد حالياً   رد مع اقتباس
 

مواقع النشر (المفضلة)

الكلمات الدلالية (Tags)
مميزات, أكاديمية, courses, dokki, egypt, english, foreigner, learn, maadi, nasr city, notcourses, وعيوب, كورسات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:31 AM بتوقيت مسقط


Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
:: جميع الحقوق محفوظة لمنتديات لغاتى التعليمية ::