مميزات وعيوب أكاديمية مش كورسات Not Courses

[mabsot1111]

اسمحلي احكي تجربتي انا بقى عن فرع مدينة نصر انا اتحدد مستوايا المستوى ال 7 وفعلا دخلت فيه وحاليا انا في ال8
انا معاك في كتير من ألي قلته فعلا مافيش منهج محدد لكل مستوى بحيث يضمن عدم التكرار

عدد مرات المستوى الواحد 6 ده قليل شوية فعلا وانا حاسه أن فيه عامل نفسي مهم في الجزئية ديه لأن الواحد عقبال لما يتعود على الناس ألي معاه علشان يتكلم معاهم باللغة الانجليزية يلاقي المستوى خلص ويرجع يقابل نفس الموضوع تاني مع المستوى ألي بعده

اما موضوع الدكتور النفسي ديه أول مرة أسمع عنها بصراحة ماكنتش اعرفها


بالنسبة لفرع مدينة نصر فيه يافطة بجوار باب المركز فعلا ومش مجرد ورقة متعلقة لالالا ديه يافطة فعلا، بس مع العلم أن مافيش يافطة من الخارج مثلا على سور بالكونة المكان

بس أقدر أقول شوية مميزات لاحظتها وانا في المستوى ال8 يعني حاليا منها

أنهم بقوا يصمموا اننا نتكلم بالانجليزي من ساعة ماندخل المكان

حتى الاوفيس بوى بيعلموه علشان هو كمان يتكلم انجليزي معانا ومعاهم

وجود مدير مشروع وهو مستر/ أشرف وهو بيضع حاليا منهج لكل مستوى والكلام ده انا سمعته منه لأنه بيديني المستوى ال8 وهو خلاص هيبطل يدرس وهيتفرغ لإدارة المكان علشان يتحسن


واحقاقا للحق هحكي موقف حصل معايا
انا كنت اجلعت المستوى ال8 ثم لاقيت المركز بيتصل بيا يقول لي حضرتك حجزتي المستوى ال8 ولم تحضري فقلت له لا أنا مأجلة المستوى، ولما رحت علشان اشوف الموضوع، كان عادي أني رجعت الحجز في الميعاد ألي أنا عايزاه
وكانت حاجة كويسة أنه لما دفعت وحجزت وماحضرتش أنهم اتصلوا يشوفوا الموضوع
اه هو كان في خطأ في الحجز بس المكالمة ديه توحي بالاهتمام


ملاحظة اخيرة انا بتكلم عن فرع مدينة نصر وحاسة انه هيبقى كويس وخاصة أنهم بيحاولوا كمان يقدموا خدمة تعليمة من خلال الصفحة بتاعتهم على الفيس عن طريق الالعاب لتعليم اللغة

يمكن اكون خطأ بس أحببت أن أشاركم تجربتي :)