بسم الله الرحمن الرحيم

إعزائى أعضاء ومشرفى منتدى لغاتي

بصراحه وباختصار انا نويت اعمل كورسات للغة الفرنسيه تكون باللغة العربيه دا اولا و ثانيا تكون شامله وكامله والى يتابعها يتعلم منها ويقدر يوصل لمستوى متقدم جدا فى اللغة الفرنسيه بجانب اتقان نطق اللغة الفرنسيه بالاضافه لشرح مبسط لعلم الصوتيات فى مستوى كليات اللغات وطلبتها يستفيدوا من شروحاتنا
وان شاء الله هقدم ليكم تباعا حلقات الشرح مقسمه الى مجموعات
الفكره جت لى بعد ما بحثت على النت كتير وملقتش شرح وافى ومكتمل او حتى ماشى بتناسق وترتيب على صفحات الانترنت
فقررت اعمل الكورسات دى على امل انها ترضى المتعلم العربى وتلبى احتياجاته
بالاضافه لتخصيص حلقات لشرح القواميس وطريقة التعامل معها
وشرح النقل الصوتى للرموز الصوتيه
واخيرا باتمنى للاعضاء المنتدى ولكل الطلبه والدارسين للغة الفرنسيه كل التوفيق على امل ان نكون ساهمنا فى سد العجز فى المحتوى العربى بالنسبه لتعلم الفرنسيه واتمنى ان الشغل يعجبكم
نسيت اعرفكم بنفسى انا اسمى/ احمد سمير ماجستير فى الترجمه كلية لغات وترجمه جامعة الازهر واشتغلت فى كذا شركة سياحه فى السنين الى قبل الثوره وحاليا بشتغل مترجم ومراجع لغوى فى دار الافتاء المصريه . ترجمت كتابين للشيخ محمد الغزالى هما :
هذا ديننا
وأسباب تأخر العرب والمسلمين - ترجمه ونقد وتحليل
وكان موضع بحث الماجستير بتاعتى
اخيرا انا تحت امركم فى اى حاجه او اسئله او استفسارات
وكمان بدى كورسات فرنساوى للى يحب فى القاهره وفى مدينة العاشر من رمضان
ممكن تتابعوا صفحتى على الفيس بوك للى يحب يتعلم معايا على الفيس يا مرحب بيه
انا لسه هعمل الصفحه الى على الفيس اعذرونى لانى مش محترف انترنت او كمبيوتر وانا الى بعمل وبسجل الفيديوهات بنفسى لكن ان شاء الله مع الوقت جودة الفنش النهائى بتاع الفيديو هيوصل لمستوى اعلى مع التدريب على برامج الميديا والمونتاج الى معقده بالنسبه لى نوعا ما وبتاخد وقت
دعواتكم بالتوفيق ومنتظر ردودكم واتمنى الشرح يعجبكم
وتحياتى للاعضاء وللثوار واخيرا روابط الفيديوهات وارجوا متابعة القناه على اليوتيوب حتى يصلكم الجديد أولا بأول


https://www.youtube.com/watch?v=M33v23N6aVk
https://www.youtube.com/watch?v=RPpHFP9tvJM&feature=g-upl
https://www.youtube.com/watch?v=LCDQGZOQAnI
https://www.youtube.com/watch?v=VgcOWOlbr34&feature=g-upl
https://www.youtube.com/watch?v=ASXqQvXjLmc&feature=g-upl
وتتوالى الدروس بصفه دوريه ان شاء الله