منتديات لغاتى التعليمية

السلام عليكم

아요__어요_해요 ,, ㅂ니다___습니다
دي كلها تصريف الافعال في المضارع

في اللغة الكوريه عندنا اسلوبين للكلام
وهما اسلوب الاحترام و اسلوب الكلام العادي
اسلوب الكلام العادي" وده بيكون مع الاصقاء والناس المقربين "
واسلوب الاحترام "وده بنستخدموا مع ناس اكبر مننا في السن او المكانه الاجتماعيه او ناس مش نعرفها بنقابلها لاول مره "
اسلوب الاحترام عباره عن نوعين هما اسلوب رسمي و اسلوب غير رسمي

اولا: 아요__어요_해요 ده تصريف المضارع في اسلوب الاحترام الغير رسمي
في اللغة الكوريه الفعل في المصدر بينتهي بالمقطع 다 ولما بنيجي نصرف الفعل بنحذف المقطع 다 و نبص علي المقطع الي قبله لو اخر حرف صوتي في المقطعㅏ أو ㅗ بنستخدم 아요
ولو أخر حرف صوتي اي حرف اخر ماعدا الحرفين ㅏ وㅗ بنستخدم 어요
مثال علي كده :
فعل 살다 يعني يعيش "وده الفعل في المصدر" هنيجي نصرف الفعل ....
اول حاجه هنحذف 다 و بعد كده نبص علي المقطع الي قبله 살 اخر حرف صوتي فيه هو حرف ㅏ يبئي هيجي بعده 아요

살다 -----> 살 +아요 = 살아요

فعل 먹다 يعني يأكل "وده الفعل في المصدر" هنيجي نصرف الفعل .... اول حاجه هنحذف 다 و بعد كده نبص علي المقطع الي قبله먹 اخر حرف صوتي فيه هو حرفㅓ يبئي هيجي بعده 어요

먹다 ----> 먹 +어요 = 먹어요

اما بالنسبه ل 해요 دي بتستخدم مع الافعال التي بتنتهي بالمقطع 하다 مثلا :
فعل 공부하다 يعني يذاكر " وده الفعل في المصدر " هنيجي نصرفه في المضارع هنحذف 하다 ونضع بدلها 해요

공부하다 -----> 공부 +해요 = 공부해요

ثانيا : ㅂ니다___습니다 وده تصريف المضارع في اسلوب الاحترام رسمي
لما نيجي نصرف الفعل بعد ما نحذف المقطع 다 لو المقطع الي قبله بينتهي بحرف صوتي بنستخدم ㅂ니다 ولو بيتهي بحرف ساكن بنستخدم 습니다
مثال علي كده :

공부하다 ----> 공부하 +ㅂ니다 = 공부합니다

먹다 ---- 먹+ 습니다 = 먹습니다

أما بالنسبه ل ㅂ니까?___습니까? هي ايضا تصريف للفعل المضارع في اسلوب الاحترام الرسمي ولكن في صيغة السؤال

ثالثا :세요___으세요 هي ليها معنيين في القواعد

اول واحد بيكون اسلوب من اساليب الاحترتم لما اكون بتكلم عن حد كبير في السن " جدي او ولدي او مدرستي .... كده"

تاني معني "من فضلك افعل كذا " وهو اسلوب أمر

لو الفعل بعد ما نحذف 다 لو المقطع الي قبله بينتهي بحرف صوتي بنستخدم세요 ولوبيتهي بحرف ساكن بنستخدم 으세요

من فضلك ذاكر 공부하다 ----> 공부하 +세요 = 공부하세요

읽다 ----> 읽 +으세요 = 읽으세요
من فضلك أقراء

اما 십시오___으십시오 هو اسلوب من اساليب الاحترام بردوا بس مش بيستخدم كتير ممكن في كلمات معينه

ملاحظه :
بالنسبه لتصريف الافعال و الصفات مش كلها بتتصرف بنفس الطريقه دي لان في تصريفات شاذه و في حروف بتتحذف لو جت مع بعض وان شاء الله هشرحوا بتفصيل اكتر في الدروس