منتديات لغاتى التعليمية - مرثية اميره ويلز الاميره ديانا

قصيده اعجبتني كلماتها جدا جدا

وقمت بنقلها لكم علها تعجبكم

==============================
كتبها الشاعر سهيل اليماني

يقول من لاعه خبر يوم الأثنين =عساك يوم بالعمر ماتعودي

الشعر مايكتب بليا عناوين = والبيت ما يبنى بليا عمودي

والقاف ما يسخر بليا مضامين = والشعر ما يرثي ردي الجدودي

والدمع ما يصبر على الحزن والبين = وأنا حزين ومال حزني حدودي

على ديانا هلي الدمع ياعين = وجودي بصافي الدمع ياعين جودي

أبكي على بنت السبنسر وتكفين = ياعين بأغلى الدمع جودي وزودي

على أميرة ويلز أم الأميرين = اللي غلاها حاف كل الكبودي

ويبكي على ديانا ضعوف ومساكين = ومشردين بالشوارع رقودي

وفالبوسنة يبكي عليها معاقين = ويبكي أسير عاقبته القيودي

وبكوا عليها اللي وراء سور برلين = وبكوا النصارى والعرب واليهودي

وتشارلز يبكي أمام المعزين = وأيليزبيث تلطم بيديها الخدودي

وتاتشر تهل الدمع من دون تقنين = وتقول اصابتنا عيون الحسودي

وهلت هيلاري الدمع وحدة وثنتين = وبكى كلينتون واعتزى ياوجودي

حتى العرب نسوا قضية فلسطين= ونسوا خيانة ناقضين العهودي

ونسوا اليهود المعتدين الملاعين = وهلوا دموع مثل وبل الرعودي

أمر حادث صار فالقرن عشرين = أمر من طعن العدو اللدودي

باريس أذاعت للملا علمها الشين = وكن المسامع ثار فيهن فرودي

وموسكو وواشنطن ولندن وبكين= الكل ينعى العلم من دون فودي

وبريطانيا العظمى غدت بين قوسين= وصغرت بيوم فراق عنق العنودي

ياجعل يسقى عام واحد وستين = يوم إن ديانا طفلة بالمهودي

وياجعل يدهر عام سبعة وتسعين = اللي ديانا فيه بين اللحودي

بدالها ياليت ماتوا ملايين= من أرض أوروباوالعجم والهنودي

وبقت ديانا شمعة للمحبين = مثل المها اللي للجميلة تقودي

عذروبها إنها لاديانة ولادين = وعذروبها انها ما عليها جعودي

ومع كل هذا شيخة الحسن والزين = وتسبي الرجال بطيبها والركودي

وخصر أنحيل ما يجي حول شبرين = وعود كما الريحان لاهب نودي

وعيون زرق بشعل تعطيك لونين = لاهيب لاخضرا ولاهيب سودي

حسبي على المصورين الحقيرين = اللي حدوا المرسدس صوب العمودي

وتسببوا في موت حلم المجانين= اللي عليها بيحن السدودي

ياليتها عاشت إلى عام الألفين = وياليت ربي ماقسم عرف دودي

اتمنى ان تحوز على رضاكم ............ وترقبو القصيده بالانجليزيه في منتدي الانجليزيه
شكرا ..............................